ԱՆՈՒԱՆԱԿՈՉՈՒԹԻՒՆ ՔՈՒԷՅԹԻ Ս. ՎԱՐԴԱՆԱՆՑ ԵԿԵՂԵՑՒՈՅ

17.02.2015
ԱՆՈՒԱՆԱԿՈՉՈՒԹԻՒՆ ՔՈՒԷՅԹԻ Ս. ՎԱՐԴԱՆԱՆՑ ԵԿԵՂԵՑՒՈՅԱՆՈՒԱՆԱԿՈՉՈՒԹԻՒՆ ՔՈՒԷՅԹԻ Ս. ՎԱՐԴԱՆԱՆՑ ԵԿԵՂԵՑՒՈՅԱՆՈՒԱՆԱԿՈՉՈՒԹԻՒՆ ՔՈՒԷՅԹԻ Ս. ՎԱՐԴԱՆԱՆՑ ԵԿԵՂԵՑՒՈՅԱՆՈՒԱՆԱԿՈՉՈՒԹԻՒՆ ՔՈՒԷՅԹԻ Ս. ՎԱՐԴԱՆԱՆՑ ԵԿԵՂԵՑՒՈՅ

ԱՆՈՒԱՆԱԿՈՉՈՒԹԻՒՆ ՔՈՒԷՅԹԻ Ս. ՎԱՐԴԱՆԱՆՑ ԵԿԵՂԵՑՒՈՅ

Ուրբաթ 13 Փետրուարին Քուէյթի հայ համայնքը տօնեց Ս. Վարդանանց տօնը, որ նաեւ եկեղեցւոյ անուանակոչութեան տօնն էր։ Օրուան Ս. Պատարագը մատուցանեց Քուէյթի եւ Շրջակայից Հայոց Թեմի Կաթողիկոսական Փոխանորդ՝ Գերպ. Տ. Մասիս Ծ. Վրդ. Զօպուեան։ Դպրաց դասը առաջնորդուեցաւ ղեկավառութեամբ դպրապետ՝ Քեռի Սարգիսեանին իսկ պատարագի արարողակարգը կատարուեցաւ հսկողութեամբ գաղութիս հոգեւոր հովիւ Արժ. Տ. Արտակ Քհնյ. Քէհեաեանին։ Պատարագին ներկայ գտնուեցան Հա...յաստանի Հանրապետութեան արտակարգ եւ լիազօր դեսպան Տիար Ֆատէյ Չարչօղլեան, Թեմական կառոյցներու ներկայացուցիչները եւ մեծ թիւով հաւատացեալներ։ Իր պատգամին մէջ Հայր Սուրբը խօսեցաւ Վարդանանց խորհուրդի մասին։ Ան շեշտեց, թէ հայ ժողովուրդին համար Վարդանանց պատերազմէն խուսափիլ կարելի չէր, որովհետեւ ան պատասխանն էր պարսից Հազկերտ թագաւորին հայ ժողովորվդին կամքը բռնաբարող հրովարտակին։ Հայր Սուրբը ապա ըսաւ, որ Աւարայրի ճակատամարտին Աւետարանն ու Խաչը, սուրն ու վահանը միաբանեցան, այնպէս ինչպէս ամբողջ հայ ժողովուրդը միացաւ Հայրենիքի ու հաւատքի ազատութեան ի խնդիր։ Վերջապէս Կաթողիկոսակա Փոխանորդ Հայր Սուրբը իր պատգամը եզրափակեց երեք հիմնական մտածումներ բաժնելով ներկայ հաւատացեալներուն հետ,

1.- Վարդանանց սերունդը ազգային հերոսի տիպար պէտք է հանդիսանայ մեր նոր սերունդի զաւակներուն համար, 2.- Վարդանանք խորհրդանիշ են հայ ժողովուրդի միասնականութեան եւ 3.- Աւարայրի ճակատամարտը խորհրդանիշ է մեր բոլոր ազգային ձգտումներուն ու երազներուն։

Պատարագի աւարտին տեղի ունեցաւ հոգեհանգիստ՝ ՀՅԴ Բիւրոյի անդամ եւ Գերմանիոյ մօտ Հայաստանի Հանրապետութեան դեսպան՝ հանգուցեալ Վահան Յովհաննիսեանի հոգիին համար։ Ինչպէս նաեւ հոգեհանգստեան արարողութեան ընթացքին յիշուեցան եկեղեցւոյ նախկին հոգեւոր հովիւ՝ հոգելոյս Տ. Պարոյր Ա. Քհնյ. Սարգիսեանը եւ բոլոր բարեպաշտ եւ բարերար հաւատացեալները, որոնք գործեցին գաղութէն ներս։ Ապա Առաջնորդարանի շրջափակին մէջ կատարուեցաւ մատաղօրհնէք։ Մատաղի պատրաստութեան աշխատանքները տարուեցաւ եկեղեցւոյ տիկնանց յանձնախումբին կողմէ։



P.O.Box: 8157,
Salmiyeh 22052 Kuwait

Հեռ.՝   +965 25614392
Ֆաքս՝ +965 25612618
Էլ. փոստ՝ 
prelacy@armenianprelacykw.org

Բաժանորդագուիլ նորութիւններուն

Կայքի ձեւավորումը եւ նախագծումը` Ayb Solutions