ՀԱՅՈՑ ՑԵՂԱՍՊԱՆՈՒԹԵԱՆ ՀԱՐԻՒՐ ԱՄԵԱԿԻ ԱՌԹԻՒ ՍՈՒՐԲ ԵՒ ԱՆՄԱՀ ՊԱՏԱՐԱԳ

15.05.2015
ՀԱՅՈՑ ՑԵՂԱՍՊԱՆՈՒԹԵԱՆ ՀԱՐԻՒՐ ԱՄԵԱԿԻ ԱՌԹԻՒ ՍՈՒՐԲ ԵՒ ԱՆՄԱՀ ՊԱՏԱՐԱԳ ՀԱՅՈՑ ՑԵՂԱՍՊԱՆՈՒԹԵԱՆ ՀԱՐԻՒՐ ԱՄԵԱԿԻ ԱՌԹԻՒ ՍՈՒՐԲ ԵՒ ԱՆՄԱՀ ՊԱՏԱՐԱԳ ՀԱՅՈՑ ՑԵՂԱՍՊԱՆՈՒԹԵԱՆ ՀԱՐԻՒՐ ԱՄԵԱԿԻ ԱՌԹԻՒ ՍՈՒՐԲ ԵՒ ԱՆՄԱՀ ՊԱՏԱՐԱԳ ՀԱՅՈՑ ՑԵՂԱՍՊԱՆՈՒԹԵԱՆ ՀԱՐԻՒՐ ԱՄԵԱԿԻ ԱՌԹԻՒ ՍՈՒՐԲ ԵՒ ԱՆՄԱՀ ՊԱՏԱՐԱԳ

ՀԱՅՈՑ ՑԵՂԱՍՊԱՆՈՒԹԵԱՆ ՀԱՐԻՒՐ ԱՄԵԱԿԻ ԱՌԹԻՒ ՍՈՒՐԲ ԵՒ ԱՆՄԱՀ ՊԱՏԱՐԱԳ

Հայոց Ցեղասպանութեան Հարիւր Ամեակին առթիւ, Ուրբաթ 24 Ապրիլ 2015-ին, Քուէյթի Ս. Վարդանանց եկեղեցւոյ մէջ տեղի ունեցաւ Ս. եւ Անմահ պատարագ։ Օրուայ պատարագը մատուցեց եւ յաւուր պատշաճի քարոզեց Թեմիս Առաջնորդ՝ Գերպ. Տ. Մասիս Ծ. Վրդ. Զօպուեան։ Պատարագին ներկայ գտնուեցան Քուէյթի մօտ Հ.Հ. Արտակարգ եւ Լիազօր Դեսպան Տիար Ֆատէյ Չարչօղլեան, Հիւպատոս Տիար Լեւոն Պետրոսեան, Լեհաստանի Դեսպանն ու Քուէյթի մօտ Պապական նուիրակը։ Իր ...պատգամին մէջ, Հայր Սուրբը ըսաւ.-«Ամբողջ դար մը մեր արդար դատին համար պայքարեցանք, ամբողջ մարդկութեան ու մանաւանդ հսկայ պետութիւններու ու ժողովուրդներու փոխանցելով՝ թէ հայ ժողովուրդը իրաւատէրն է պատմական իր հայրենքին ու պահանջատէր։ Հայ ժողովուրդի ամենէն նուիրական, կենսական եւ նշանակալից տարիներէն մէկն է 2015ը։ Մեծի Տանն Կիլիկիոյ Գահակալ Ն.Ս.Օ.Տ.Տ. Արամ Ա. Կաթողիկոս այս առթիւ հրապարակած Հայրապետական սրբապառ կոնդակը ներշնչման աղբիւր եւ Հայ Դատին ու պահանջատիրութեան նկատմամբ՝ յանձնառութեան, հաւատարմութեան ու պատասխանատուութեան մղումի աղբիւր հանդիսացաւ, մեր բոլոր ճիգերը, ապրումները ու մտածումները կեդրոնացնելով՝ իրաւական դաշտ փոխադրեց մեր պայքարը, որպէսզի գործնական քայլերով արդարութիւն պահանջենք անպատիժ մնացած դարաւոր մեր թշնամիէն»։ Ապա Հայր Սուրբը իր պատգամը շարունակեց, շեշտելով՝ որ «Նոր սերունդը պէտք է յետադարձ ակնարկով դիտէ նախորդ սերունդին նուիրական ու գերագոյն զոհողութիւնը, հաւատարիմ մնայ անոր կտակին, Աստուծոյ շնորհքին զօրութեամբ քալէ հայութեան յարութեան պատմութեան վրայէն, հաստատուն քայլերով, աննահանջ ու յառաջասլաց ընթացքով, դէպի մեր ժողովուրդի պայծառ ապագան»։ Պատարագի աւարտին նախագահութեամբ Հայր Սուրբին եւ Պապական նուիրակին տեղի ունեցաւ յատուկ արարողութիւն նուիրուած Ցեղասպանութեան Մէկ ու կէս միլիոն Սուրբ նահատակներուն, որու ընթացին Պապական նուիրակը եւս աղօթք բարձրացուց առ Աստուած։ Առաջնորդարանի շրջափակէն ներս «Մեր Հայրենիք»ի երգեցողութեամբ վերջ գտաւ Ս. Պատարագը եւ Ցեղասպանութեան զոհ գացած մեր Սուրբերուն նուիրուած յատուկ արարողութիւնը։



P.O.Box: 8157,
Salmiyeh 22052 Kuwait

Հեռ.՝   +965 25614392
Ֆաքս՝ +965 25612618
Էլ. փոստ՝ 
prelacy@armenianprelacykw.org

Բաժանորդագուիլ նորութիւններուն

Կայքի ձեւավորումը եւ նախագծումը` Ayb Solutions