ԱՇԱԿԵՐՏԱԿԱՆ ՀԱՂՈՐԴՈՒԹԻՒՆ

03.01.2017
ԱՇԱԿԵՐՏԱԿԱՆ ՀԱՂՈՐԴՈՒԹԻՒՆ

Չորեքշաբթի, 28 Դեկտեմբեր, 2016 ին, Ազգային Վարժարանի աշակերտութիւնը աւարտելէ ետք երկրորդ երկամիսի քննութիւնները, ամէն տարուան սովորութեան համաձայն, հաւաքուեցան Սրբոց Վարդանանց եկեղեցին, հաղորդուելու մեր Տիրոջ՝ Յիսուսի Քրիստոսի մարմինով ու արեամբ, դիմաւորելու համար 2017 տարին ու Սուրբ Ծննդեան տօնը:
Եկեղեցւոյս հոգեւոր հովիւ՝ Արժ. Տէր Արտակ Քհնյ. Քէհեաեան, օրուան պատգամը տալէ ետք, խրատեց աշակերտ-աշակերտուհիները բարի ու հնազանդ ըլլալ, իրենց մտքերէն հեռացնել չար մտածումները, որպէսզի բարի մտածումները իրենց առաջնորդէ բարի գործերու ու աշխատանքներու: Տէր Հայրը մաղթեց, որ 2017 տարին, բոլորին համար դառնայ աւելի լաւ տարի մը:
Աշակերտութեան անունով Վանիա Պէրպէրեան ընթերցեց զղջման աղօթքը, ապա արձակման աղօթքէն ետք, ուսուցիչ-ուսուցչուհիներու հսկողութեամբ, բոլորը երկիւղածութեամբ մօտեցան եւ ստացան Սուրբ Հաղորդութիւնը:
Այս առիթով, կը շնորհաւորենք Ազգային Վարժարանի Տնօրէնութիւնը, Հոգաբարձական կազմը, ուսուցչական կազմն ու աշակերտութիւնը, մաղթելով անոնց յարատեւութիւն ու վերելք՝ ուսումնական փայլուն արդիւնքներով:
ՇՆՈՐՀԱՒՈՐ ՆՈՐ ՏԱՐԻ ԵՒ ՍՈՒՐԲ ԾՆՈՒՆԴ



P.O.Box: 8157,
Salmiyeh 22052 Kuwait

Հեռ.՝   +965 25614392
Ֆաքս՝ +965 25612618
Էլ. փոստ՝ 
prelacy@armenianprelacykw.org

Բաժանորդագուիլ նորութիւններուն

Կայքի ձեւավորումը եւ նախագծումը` Ayb Solutions