ԲԱՐԵՄԱՂԹՈՒԹԻՒՆՆԵՐՈՒ ԵՐԵԿՈՅ

15.05.2015
ԲԱՐԵՄԱՂԹՈՒԹԻՒՆՆԵՐՈՒ ԵՐԵԿՈՅԲԱՐԵՄԱՂԹՈՒԹԻՒՆՆԵՐՈՒ ԵՐԵԿՈՅ

ԲԱՐԵՄԱՂԹՈՒԹԻՒՆՆԵՐՈՒ ԵՐԵԿՈՅ
Ի ՊԱՏԻՒ ԹԵՄԻՍ ՆՈՐ ԱՌԱՋՆՈՐԴԻՆ

24 Մարտ 2015ին, Քուէյթի Երեսփոխանական Ժողովը արտահերթ նիստով մը միաձայնութեամբ Գերպ. Տէր Մասիս Ծ. Վրդ. Զօպույեանը ընտրեց Քուէյթի եւ Շրջակայից Թեմի Առաջնորդ:
Առ այդ, Քուէյթի Ազգային Վարչութեան նախաձեռնութեամբ՝ Ուրբաթ, 17 Ապրիլ 2014ին, Holiday Inn շքեղ պանդոկի (الشرق) սրահէն ներս տեղի ունեցաւ յատուկ երեկոյթ մը, ի պատիւ Քուէյթի եւ Շրջակայից Թեմի նորընտիր Առաջնորդ Գերպ. Տէր Մասիս Ծ. Վրդ. Զօպույեանի: Ներկայ էին՝ ՀՀ Արտակարգ... եւ Լիազօր Դեսպան Տիար Ֆատէյ Չարչօղլեան, ՀՀ Հիւպատոս Տիար Լեւոն Պետրոսեան, գաղութի հոգեւոր հովիւ Արժ. Տէր Արտակ Քհնյ. Քէհեաեան, Մեծի Տանն Կիլիկիոյ Իշխանի եւ Ասպետի շքանշանակիրներ, ազգային մարմիններու ներկայացուցիչներ եւ հիւրեր:
Երեկոյի բեմավարն էր Տոքթ. Ժան Պէպէճեան, որ իր գեղեցիկ ու ճարտար խօսքով իւրայատուկ գունագեղութիւն մը տուաւ երեկոյթին: Առաջին հերթին իր սրտին խօսքը փոխանցեց Քուէյթի մօտ ՀՀ Արտակարգ եւ Լիազօր Դեսպան Տիար Ֆատէյ Չարչօղլեան: Ան յաջողութիւն մաղթեց Գերպ. Հայր Սուրբին եւ հաւաստիացուց, որ ամէն առումով պատրաստ է կանգնիլ Անոր կողքին՝ միահամուռ ուժերով սատարելու համայնքի բարգաւաճման:
Յանուն Քուէյթի ազգային մարմիններու եւ միութեանց ելոյթ ունեցան.
Պատասխանատու կազմէն՝ Ընկ. Յակոբ Պետիրեան
Քուէյթի Երեսփոխանական Ժողովէն՝ Տիար. Յարութիւն Պետիրեան
Քուէյթի Ազգային Վարչութենէն՝ Տիար Մունիր Դարբինեան
Քուէյթի Ազգային Վարչութեան նախկին ատենապետ՝ Տիար Վարդան Նարինեան
Քուէյթի Ազգային Վարժարանի տնօրէն՝ Տիար Մանուկ Մանուկեան
Քուէյթի Հայ Դատի Յանձնախումբ՝ Տիար Տիգրան Պայաթեան
Հ.Օ.Մ. Ք.Մ.Մ. Տիկ. Մակի Թադոյեան
Հ.Մ.Ը.Մ. Ք.Մ.Մ. Տիար Վահէ Պաղճեան

Երեկոյի ընթացքին ներկայացուեցաւ կոկիկ գեղարուեստական յայտագիր մը գաղութիս տաղանդաւոր անդամներու մասնակցութեամբ.
Տիարք Քեռի եւ Ռոստոմ Սարգիսեաններ զուգերգեցին «Որտեղ գտնեմ քեզ» եւ «Ղարաբաղցին»,
Տիկ. Մայտա Թադոյեան արտասանեց «Եկեղեցին Հայկական» բանաստեղծութիւնը,
Տիար Ճորճ Արապաթլեան մեներգեց «Դուն էն գլխէն իմաստուն իս»,
Տիկ. Նարինէ Գոնճայեան-Արապաթլեան ասմունքեց «Ուզում եմ» բանաստեղծութիւնը:

Գերպ. Հայր Սուրբի խնդրանքով օրուան բեմավար Տոքթ. Ժան Պէպէճեան մեներգեց «Հայաստան» երգը: Իսկ Անոր քրոջ յատուկ խնդրանքով Տիար Յակոբ Թադոյեան մեներգեց «Անգին Եղբայր» երգը: Տեղին է յիշել, որ սոյն երեկոյթին ներկայ էր նաեւ Տիրամայր Էլօ Զօպույեան:

Երեկոյի ընթացքին ներկայացուեցաւ Գերպ. Հայր Սուրբին մէկուկէս տարուան աշխատանքը ներկայացնող յատուկ տեսերիզ մը, որ պատրաստուած էր Տիար Կարօ Արսլանեանի կողմէ:

Աւարտին, նորընտիր Առաջնորդ Հայր Սուրբը, խորին շնորհակալութիւն յայտնեց Քուէյթի Ազգային Վարչութեան՝ երեկոյթի նախաձեռնութեան եւ կազմակերպման համար, ինչպէս նաեւ ներկայ բոլոր ազգայիններուն եւ հիւրերուն, իրենց ջերմ վերաբերմունքին եւ տածած յարգանքին համար: Ան մաղթեց համերաշխութիւն եւ համագործակցութիւն համայնքի բոլոր զաւակներուն միջեւ՝ ի փառս քուէթահայ համայնքին, հայ ազգին եւ հայ եկեղեցւոյ:



P.O.Box: 8157,
Salmiyeh 22052 Kuwait

Հեռ.՝   +965 25614392
Ֆաքս՝ +965 25612618
Էլ. փոստ՝ 
prelacy@armenianprelacykw.org

Բաժանորդագուիլ նորութիւններուն

Կայքի ձեւավորումը եւ նախագծումը` Ayb Solutions