ՔՈՒԷՅԹԻ ՀԱՅՈՑ ՑԵՂԱՍՊԱՆՈՒԹԵԱՆ ՈԳԵԿՈՉՄԱՆ ԵՐԵԿՈՅ ԱՊՐԻԼԵԱՆ ԶՈՀԵՐՈՒ ՅԻՇԱՏԱԿԻՆ

15.05.2015
ՔՈՒԷՅԹԻ ՀԱՅՈՑ ՑԵՂԱՍՊԱՆՈՒԹԵԱՆ ՈԳԵԿՈՉՄԱՆ ԵՐԵԿՈՅ ԱՊՐԻԼԵԱՆ ԶՈՀԵՐՈՒ ՅԻՇԱՏԱԿԻՆՔՈՒԷՅԹԻ ՀԱՅՈՑ ՑԵՂԱՍՊԱՆՈՒԹԵԱՆ ՈԳԵԿՈՉՄԱՆ ԵՐԵԿՈՅ ԱՊՐԻԼԵԱՆ ԶՈՀԵՐՈՒ ՅԻՇԱՏԱԿԻՆՔՈՒԷՅԹԻ ՀԱՅՈՑ ՑԵՂԱՍՊԱՆՈՒԹԵԱՆ ՈԳԵԿՈՉՄԱՆ ԵՐԵԿՈՅ ԱՊՐԻԼԵԱՆ ԶՈՀԵՐՈՒ ՅԻՇԱՏԱԿԻՆՔՈՒԷՅԹԻ ՀԱՅՈՑ ՑԵՂԱՍՊԱՆՈՒԹԵԱՆ ՈԳԵԿՈՉՄԱՆ ԵՐԵԿՈՅ ԱՊՐԻԼԵԱՆ ԶՈՀԵՐՈՒ ՅԻՇԱՏԱԿԻՆՔՈՒԷՅԹԻ ՀԱՅՈՑ ՑԵՂԱՍՊԱՆՈՒԹԵԱՆ ՈԳԵԿՈՉՄԱՆ ԵՐԵԿՈՅ ԱՊՐԻԼԵԱՆ ԶՈՀԵՐՈՒ ՅԻՇԱՏԱԿԻՆ

ՔՈՒԷՅԹԻ ՀԱՅՈՑ ՑԵՂԱՍՊԱՆՈՒԹԵԱՆ ՈԳԵԿՈՉՄԱՆ ԵՐԵԿՈՅ ԱՊՐԻԼԵԱՆ ԶՈՀԵՐՈՒ ՅԻՇԱՏԱԿԻՆ
Ուրբաթ, 24 Ապրիլ 2015-ի երեկոյեան ժամը 8:30-ին, Քուէյթի Ս. Վարդանանց եկեղեցւոյ մէջ Հովանաւորութեամբ՝ Թեմիս Բարեջան Առաջնորդ՝ Գերպ. Տ. Մասիս Ծ. Վրդ. Զօպույեանի եւ կազմակերպութեամբ՝ Հայոց Ցեղասպանութեան 100 Ամեակի Քուէյթի Կեդրոնական Մարմնի, տեղի ունեցաւ ոգեկոչման երեկոյ, նուիրուած Հայոց Ցեղասպանութեան 100-րդ տարելիցին: Երեկոն իր ներկայութեամբ պատուեց՝ Հ.Հ. Արտակարգ եւ Լիազօր Դեսպան Պրն. Ֆատէյ Չարչօղուլեա...ն:
Սոյն երեկոյի բացման խօսքը կատարեց՝ Տիկ. Արփի Արապաճեան Միսաքեան:
Գեղարուեստական բարձրորակ յայտագրի բացումը կատարեց Տիկ. Մայտա Թադոյեան Մովսէսեան ուր ասմունքեց Պարոյր Սեւակի «Ղողանջ Եղեռնական»ը:
Ապա Օրդ. Փաթիլ Զաքարեան սքանչելի ձեւով կատարեց «Armenian Rhapsody» Ալեքսան Յարութիւնեանի եւ Առնօ Բաբաջանեանի, որմէ ետք օրուան պատգամաբեր՝ Բժ. Ժան Պէպէճեան փոխանցեց օրուան խորհուրդը: Բանախօսին ներկայացումը բացառիկ էր ու կարելի է համարել պատմական բանախօսութիւն: Անոր յաջորդեց ասմունք՝ Վահագն Դաւթեանի «Ռեքվիեմ»էն հատուածներ գեղեցիկ կատարողութեամբ՝ Տիկ. Նարինէ Գոնճայեան Արապաթլեանի:
Ետքը խօսք առաւ Հ.Հ. Արտակարգ եւ Լիազօր Դեսպան Պրն. Ֆատէյ Չարչօղուլեան: Ան իր խօսքի մէջ շեշտը դրաւ Հայաստան Սփիւռք սերտ գործակցութեան եւ պինդ կապին վրայ:
Գեղարուեստական բաժնի աւարտին, ելոյթ ունեցաւ «Բարսեղ Կանաչեան» երգչախումբը, խմբավարութեամբ՝ Պրն. Ճորճ Արապաթլեանի եւ դաշնամուրի ընկերակցութեամբ՝ Տիկ. Հայկուհի Կիրակոսեան Բազեանի եւ Տիկ. Թամար Թէմամեանի:
Յաւարտ խորհրդաւոր այս երեկոյեան, խօսք առաւ Գերպ. Տ. Մասիս Ծ. Վրդ. Զօպույեան, որ իր տողերուն մէջ յստակօրէն յիշեց եւ գնահատեց արար աշխարհ սփիւռքահայութեան տարած լայնածաւալ աշխատանքը. ան հաստատեց, թէ հայ ժողովուրդի դարաւոր պայքարը անմար է եւ այդ պայքարը յամառօրէն շարունակելու համար, հայութեան միասնակամութիւնը անհրաժեշտ է:
Ապա հանրութիւն համախմբեցաւ եկեղեցւոյ բակին մէջ ուր ծաղկեպսակ զետեղեցին ՀՀ դեսպանն ու Գերապատիւ Հայր Սուրբը եւ Թեմական Ժողովի ատենապետը ի յիշատակ Ապրիլեան զոհերուն:



P.O.Box: 8157,
Salmiyeh 22052 Kuwait

Հեռ.՝   +965 25614392
Ֆաքս՝ +965 25612618
Էլ. փոստ՝ 
prelacy@armenianprelacykw.org

Բաժանորդագուիլ նորութիւններուն

Կայքի ձեւավորումը եւ նախագծումը` Ayb Solutions