Սրբոց Վարդանանց Եկեղեցւոյ Կիրակնօրեայ Վարժարան

Քուէյթէն ներս, ազգային-եկեղեցական կեանք կազմակերպելու ընթացքը սկիզբ առած է 1959-ին, Կիրակնօրեայ Վարժարանով: Խումբ մը եկեղեցասէր երիտասարդ-երիտասարդուհիներ, գլխաւորութեամբ Տիկ. Մարի Էմրազեանի եւ պարոնայք՝ Յովհաննէս Պարտագճեանի, Սուրէն Խաչատուրեանի, Վարդգէս Տիշոյեանի եւ Աւետիս Գապագեանի, կազմակերպած են Կիրակնօրեայ եւ ամէնօրեայ դպրոցներ նոր սերունդին մօտ պահելու կրօնական եւ ազգային պատկանելութեան պատկերը:

1961-ին, գաղութը օժտուած է մնայուն հոգեւոր հովիւով: Արժ. Տէր Պարոյր Քհնյ. Սարգիսեանը առաջին օրէն թափ տուած է Կիրակնօրեայ եւ ամէնօրեայ վարաժարաններու կազմակերպման աշխատանքին:

Անցնող աւելի քան յիսուն տարիներու ընթացքին Կիրակնօրեայ Վարժարան յաճախած են 5–12 տարիքի երեխաներ: Դասաւանդութիւնները տեղի ունենած են նախ եկեղեցւոյ, ապա Ազգային Վարժարանէն ներս, սկիզբը Հինգշաբթի օրերը, իսկ այժմ՝ Շաբաթ օրերը, երկու ժամ տեւողութեամբ:

Կիրակնօրեայ Վարժարանը միշտ ալ մնացած է գաղութիս հոգեւոր հովիւներու անմիջական հսկողութեան տակ. նախ Արժ. Տէր Պարոյր Ա. Քհնյ. Սարգիսեանի (1961-1998), ապա Արժ. Տէր Արտակ Քհնյ. Քէհեաեանի 1998-էն մինչեւ օրս, իսկ տեսչական եւ կազմակերպչական հարցերու պատասխանատուութիւնները ստանձնած են Տիկնայք՝ Մարի Էմրազեան, Շաքէ Զարիկեան եւ Ժագլին Խտըրլարեան: Կարելի չէ չյիշել նաեւ անունները երկար տարիներու իրենց ծառայութիւնները մատուցած կարգ մը տիկիններու՝ յանձինս Նուէր Սեփիլեանի, Անի Թաշճեանի եւ Լուսին Արապեանի:

Կիրակնօրեայ Վարժարան յաճախողներու միջին թիւը 85-էն 120 հոգի, եղած են մանկապարտէզի, նախակրթարանի եւ միջնակարգի փոքր կարգերու աշակերտ-աշակերտուհիներ: Կիրակնօրեայ Վարժարանը իր սովորական դասընթացքներէն բացի, ունեցած է կաղանդի աւանդական ձեռնարկ եւ պտոյտներ:

Ներկայիս Կիրակնօրեայ Վարժարանը կը գործէ Սրբոց Վարդանանց Եկեղեցւոյ Թաղական Խորհուրդի հովանաւորութեամբ: Տեսուչն է Տիկ. Ժագլին Խտըրլարեանը: Ուսուցչական կազմին մէջ իրենց ծառայութիւնը կը բերեն Տիկնայք՝ Նուէր Սեփիլեան, Լուսին Արապեան, Անի Թաշճեան, Թալին Հալէպլեան, Վիգի Օգճեան, Լուսին Թէմամեան, Ռիթա Թէմամեան եւ Թալին Այնթապլեան: Տեղին է նշել նաեւ պրն. Սարգիս Հալէպլեանի անունը, որ տարիներու ուսուցչական ծառայութեան կողքին, ներկայիս նաեւ կը կատարէ Թաղական Խորհուրդի ներկայացուցչի պաշտօնը:

Կիրակնօրեայ Վարժարանը Քուէյթի մէջ, մատաղ սերունդին կրօնական-հայեցի դաստիարակութիւն փոխանցելու տեսակէտէն, կը կատարէ գնահատելի  աշխատանք:

« 1 [2]


P.O.Box: 8157,
Salmiyeh 22052 Kuwait

Հեռ.՝   +965 25614392
Ֆաքս՝ +965 25612618
Էլ. փոստ՝ 
prelacy@armenianprelacykw.org

Բաժանորդագուիլ նորութիւններուն

Կայքի ձեւավորումը եւ նախագծումը` Ayb Solutions